Xəbərlər

Tərtərdə Novruz bayramı təntənə ilə qeyd olunub

Bu il xalqımızın iki müqəddəs bayramının – milli mənəviyyatımızın rəmzi olan Novruzun və saflıq, xeyirxahlıq ayı olan Ramazanın eyni vaxta təsadüf etməsi Tərtər rayonunda ikiqat bayram sevinci yaşadıb. Tərtərlilər xalqımız milli-mənəvi dəyərlərimizi özündə yaşadan Novruz bayramı ilə müqəddəs Ramazan bayramını bir yerdə, böyük ruh yüksəkliyi ilə qeyd edir.

Tərtər Rayon İcra Hakimiyyətinin və Qarabağ Regional Mədəniyyət İdarəsinin Tərtər nümayəndəliyinin birgə təşkilatçılığı ilə keçirilən tədbirdə Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, idarə, müəssisə və təşkilatların rəhbərləri, kollektivləri, şəhid ailələri, qazilər, yerli nümayəndələr və rayon sakinləri iştirak ediblər.

Tədbir iştirakçıları əvvəlcə Mərkəzi Meydanda ucaldılmış Ulu Öndər Heydər Əliyevin abidəsini ziyarət edib, önünə gül-çiçək dəstələri düzüblər.

Meydanda qədimi xalça-palazlar sərilib, Novruz süfrəsi qurulub. İştirakçılar Tarix-diyarşünaslıq muzeyinin sərgisinə, məktəblilərin və Uşaq Gənclər İnkişaf Mərkəzinin bahara həsr olunmuş rəsm və əl işlərinə baxıblar. Rayon idmançılarının güləş, boks, kikboksing üzrə çıxışları, kəndirbazların ifaları, yumurta və xoruz döyüşləri maraqla izlənilib. Meydanda Novruza xas olan bütün təamlar — yuxa, kətə, qovurğa, aş və müxtəlif şirniyyatlar süfrələrə düzülüb. Müdrik el ağsaqqalı Dədə Qorqud və Bahar qızı iştirakçıları salamlayaraq onlara xeyir-dua verib, Keçəl və Kosanın çıxışları tədbirə xüsusi rəng qatıb.

Meydanın mərkəzində rayon icra hakimiyyətinin başçısı Müstəqim Məmmədov Novruz tonqalını alovlandırıb. Sonra tədbirdə çıxış edən rayon rəhbəri tərtərliləri təbrik edərək bildirib: "Əziz tərtərlilər, Sizi milli bayramımız olan Novruz və dini bayramımız müqəddəs Ramazan bayramları münasibəti ilə səmimi qəlbdən təbrik edir, hər birinizə uzun ömür, can sağlığı və ailə xoşbəxtliyi arzulayıram. Nə xoş ki, bu il hər iki bayramı bir yerdə qeyd edirik. Novruz əsrlərin sınağından çıxmış, adət-ənənələrimizi bu günədək yaşadan milli dəyərimizdir. 1993-cü ildə Ulu Öndər Heydər Əliyevin Sərəncamı ilə ümumxalq bayramı elan edilən Novruz, bu gün beynəlxalq səviyyədə yüksək qiymətləndirilir. Eyni zamanda, müqəddəs Qurani-Kərimin nazil olduğu Ramazan ayı da bizi birliyə, paklığa və humanizmə çağırır.

Elm və Təhsil İşçiləri Həmkarlar İttifaqı Tərtər Rayon Komitəsi tərərfindən tədbir keçirilib

Elm və Təhsil İşçiləri Həmkarlar İttifaqı Tərtər Rayon Komitəsi tərəfindən İttifaq üzvlərinə Novruz hədiyyələri təqdim edilib.

Tərtər Rayon Komitəsi tərəfindən direktor müavini yubileyi münasibətilə təbrik edilib.

Tədbirdə ETİHİ Tərtər Rayon Komitəsinin sədri Aslanov Niyaməddin iştirak etmişdir.Kifayət müəllimə təhsildə 40 illik iş fəaliyyətinə görə qiymətli hədiyyə və gül büketi təqdim edilmişdir.

Kifayət müəllimi 65 illik yubileyi münasibətilə təbrik edir, ona sağlam və uzun ömür arzulayırıq.

Tərtər rayonu Xəlil Əzimov adına Qaynaq kənd ümümi orta məktəbi müəllimi Məmmədova Lətafət Rza qızının 65 illik yubileyi qeyd edilib.

Tədbirdə ETİHİ Tərtər Rayon Komitəsinin sədri Aslanov Niyaməddin iştirak etmişdir.Lətafət müəllimə təhsildə 42 illik iş fəaliyyətinə görə qiymətli hədiyyə və gül büketi təqdim edilmişdir.

Lətafət müəllimi 65 illik yubileyi münasibətilə təbrik edir, ona sağlam və uzun ömür arzulayırıq.

Elm və Təhsil İşçiləri Həmkarlar İttifaqı Tərtər Rayon Komitəsinin təşəbbüsü ilə Ramazan ayı münasibətilə ittifaq üzvləri üçün iftar süfrəsi açılıb.

Ruzi-bərəkət, həmrəylik, dostluq, qardaşlıq, sevgi və mərhəmət ayı hesab olunan Ramazanın digər müsəlman ölkələrində olduğu kimi Azərbaycanda da qeyd olunduğunu və mənəvi dəyərlərin qorunması və inkişafı, dövlət-din münasibətləri haqqında məlumat veriblər. Prezident İlham Əliyevin rəhbərliyi və birinci xanım Mehriban Əliyevanın dəstəyi ilə ölkəmizdə həyata keçirilən işlərdən, milli-mənəvi dəyərlərə göstərilən diqqət və qayğıdan danışıblar, saflıq və mərhəmətin rəmzi olan bu ayda xalqımıza əmin-amanlıq, ruzi-bərəkət arzulayıblar. Bildirilib ki, Ramazan bayramı insanları gözəl əməllərə dəvət edir, onları yer üzündə sülhün, əmin-amanlığın və qardaşlığın bərqərar olması naminə birgə səylər göstərməyə çağırır.

İftar süfrəsində “Qurani-Kərim”dən ayələr oxunulub, on bir ayın sultanı olan Ramazanın fəzilətlərindən danışılıb, bu ayda görülməsi vacib sayılan xeyirxah əməllərdən, savab işlərdən söz açılıb. 

Ağdam şəhər 1 nömrəli tam orta məktəbdə 8 Mart – Beynəlxalq Qadınlar Günü münasibətilə tədbir keçirilib.

Tədbirdə Qarabağ Regional Təhsil İdarəsinin müdiri, Elm və Təhsil İşçiləri Həmkarlar İttifaqı rayon komitə sədrləri,sektor müdirləri, işğaldan azad edilmiş ərazilərdə fəaliyyət göstərən ümumi təhsil müəssisələrinin müəllimləri və digər təhsil işçiləri iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Vətən uğrunda canlarını fəda etmiş şəhidlərin və Ulu Öndər Heydər Əliyevin əziz xatirəsi bir dəqiqəlik sükutla yad olunub.

Çıxış edən idarə müdiri tədbirin Ağdam şəhər 1 nömrəli tam orta məktəbdə keçirilməsinin xüsusi qürurverici olduğunu qeyd edib. Azərbaycan tarixində qadınların mühüm rolundan bəhs edərək, onların Vətənimizin müdafiəsində, dövlət quruculuğunda və cəmiyyət həyatında göstərdikləri xidmətləri vurğulayıb. Təhsil sahəsində çalışan bütün xanımları 8 Mart – Beynəlxalq Qadınlar Günü münasibətilə təbrik edib, onlara fəaliyyətlərində uğurlar arzulayıb.

Tədbir çərçivəsində şagirdlər tərəfindən müxtəlif bədii kompozisiyalar və musiqilər səsləndirilib.

Sonda təhsil sahəsində səmərəli fəaliyyətinə görə bir qrup qadın təhsil işçisi təltif olunub.

Əmək veteranı müəllim Məmmədova Atlasın 70 illik yubileyi qeyd edilib.

Tədbirdə ETİHİ Tərtər Rayon Komitəsinin sədri Aslanov Niyaməddin iştirak etmişdir. Atlas müəllimə təhsildə 45 illik iş fəaliyyətinə görə qiymətli hədiyyə və gül büketi təqdim edilmişdir.

Atlas müəllimi 70 illik yubileyi münasibətilə təbrik edir, ona sağlam və uzun ömür arzulayırıq.

Xocalı soyqırımının 34-cü ildönümü münasibətilə tədbir keçirilib

Elm və Təhsil İşçiləri Həmkarlar İttifaqı Tərtər Rayon Komitəsinin təşkilatçılığı ilə Xocalı soyqırımının 34-cü ildönümü münasibətilə anım tədbiri keçirilib. Rəsmi məlumatlarda göstərilir ki, Xocalı soyqırımı zamanı 613 nəfər vəhşiliklə, amansızcasına qətlə yetirilib. Onların arasında 106 nəfər qadın, 63 nəfər azyaşlı uşaq 70 nəfər qoca öldürülüb. 8 ailə tamamilə məhv edilib. 25 uşaq hər iki valideynini, 130 uşaq valideynlərindən birini itirib. Faciə baş verən gecə 1275 nəfər dinc sakin girov götürülüb, onlardan 150-nin taleyi indi də məlum deyil. 1000 nəfərdən artıq müxtəlif yaşlı sakin aldığı güllə və qəlpə yaralarından əlil olub.

Xocalı soyqırımı Ermənistanın Azərbaycana qarşı işğalçılıq müharibəsinin gedişində dinc azərbaycanlı əhaliyə qarşı törədilmiş soyqırımı cinayətlərinin ən dəhşətlisidir. Faciə zamanı 1275 nəfər dinc sakinin girov götürülüb və onların indi də 150-nin taleyi məlum deyil. Cənab Prezidentimiz İlham Əliyevin xarici ölkə rəhbərləri ilə görüşlərində, bütün çıxış və nitqlərində dönə-dönə vurğuladığı kimi, beynəlxalq hüquq və normaları, ədalət meyarı Azərbaycanın tərəfindədir və bunu dünya ictimaiyyəti də birmənalı olaraq qəbul edir. Beynəlxalq birliyin tamhüquqlu üzvü olan Azərbaycan 44 günlük Vətən müharibəsində Ermənistan silahlı qüvvələri üzərində qazandığı möhtəşəm qələbədən sonra yerdə qalan problemlərin sülh yolu ilə həlli üçün təşəbbüslərini davam etdirir.

Qeyd edək ki, şağirdlərin Xocalı soyqırımını əks etdirən müxtəlif rəsim əsərləri nümayiş olunub.

Tərtərdə 26 fevral-Xocalı soyqırımına həsr olunmuş şahmat üzrə rayon turniri keçirilib

Tərtər Rayon İcra Hakimiyyətinin,YAP rayon təşkilatının və Tərtər-Ağdərə rayonları üzrə Təhsil Sektorunun birgə təşkilatçılığı ilə Tərtər Uşaq Gənclər İdman və Şahmat məktəbində ümumtəhsil məktəblərinin şagirdləri arasında “26 fevral-Xocalı soyqırımı” faciəsinə həsr olunmuş şahmat üzrə rayon turniri keçirilmişdir.

Yarışa dörd yaş qrupu üzrə ümumilikdə 66 nəfər şagird qatılmışdır.

Əvvəlcə ölkəmizin suverenliyi, ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə Tərtər Rayon İcra Hakimiyyəti Başçısı Aparatında Uşaq hüquqlarının Müdafiəsi üzrə komissiyanın məsul katibi Rəvan Həsənov, YAP rayon təşkilatının nümayəndəsi Gündüz Alıkişiyev, Elm və Təhsil İşçiləri Həmkarlar İttifaqı Tərtər və Ağdərə rayon Komitəsinin sədri Niyaməddin Aslanov, Uşaq Gənclər İdman və Şahmat məktəbinin direktoru Fərəc Rzayev, Tərtər rayonunun ümumtəhsil məktəblərinin şagirdləri və Uşaq Gənclər İdman və Şahmat məktəbinin qrupları iştirak ediblər.

Tərtər Rayon İcra Hakimiyyətinin Uşaq hüquqlarının müdafiəsi üzrə komissiyanın məsul katibi Rəvan Həsənov, YAP rayon təşkilatının əməkdaşı Gündüz Alıkişiyev, Elm və Təhsil İşçiləri Həmkarlar İttifaqı Tərtər və Ağdərə rayon Komitəsinin sədri Niyaməddin Aslanov çıxış edərək xalqımıza qarşı törədilən xəyanətlərdən, amansız soyqırımdan danışaraq bu hadisələrin Azərbaycan tarixinə ən dəhşətli və faciəli səhifələrdən biri kimi daxil olduğunu qeyd ediblər.

Sonra turnirə start verilib. Yarış başa çatdıqdan sonra I, II və III yerlərə layiq görülən şahmatçılar qiymətli hədiyyələr və fəxri fərmanlarla mükafatlandırılacaqlar.

Tərtər rayon 1 saylı tam orta məktəbin müəllimi,şəhid yoldaşı Vəliyeva Sona xanımın "65 illik yubileyi" keçirilib

Tərtər rayon 1 saylı tam orta məktəbin müəllimi,şəhid yoldaşı Vəliyeva Sona xanımın "65 illik yubileyi" münasibəti ilə ETİHİ Tərtər Rayon Komitəsinin sədri Niyaməddin Aslanov və məktəbin direktoru Amil Hüseynov təbrik etdi, ETİHİ Tərtər Rayon Komitəsi tərəfindən Fəxri fərmanla təltif olundu. Bir daha Sona müəlliməni təbrik edir, ona uzun ömür, can sağlığı arzulayırıq.

Tərtər rayon 1 nömrəli tam orta məktəbdə 2 Fevral - Azərbaycan Gəncləri Günü ilə bağlı tədbir keçirilib

Tədbirdə Elm və Təhsil İşçiləri Həmkarlar İttıfaqı Tərtər Rayon Komitəsin sədri Aslanov Niyaməddin,məktəbin direktoru Amil Hüseynov və gənc müəllimlər iştirak ediblər.

Sonda məktəbin ictimai həyatında fərqlənmiş bir qrup gənc şagirdlər mükafatlandırılıblar.

Tərtər Rayon Təhsil İşçiləri 20 Yanvar şəhidlərini hörmət və ehtiramla anıblar

Tərtər Təhsil işçiləri 20 Yanvar şəhidlərini anıb

Allah şəhidlərimizə rəhmət eləsin!